Warta
Kajari Garut Ninggali Lokasi Bencana Banjir Bandang Sukawening

Kajari Garut Ninggali Lokasi Bencana Banjir Bandang Sukawening

Salasa 30 November 2021 Kepala Kejaksaan Negeri Garut Dr. Neva Sari Susanti, S.H., M.Hum nyumpingan salah sahiji titik lokasi Bencana Alam Banjir Bandang di Desa Sukawening Kabupaten Garut disarengan ku sadayana Kasi tur Kasubag, Kajari Garut oge masihan bantosan mangrupi sembako kangge para korban jeung nyadiakeun Dapur Umum. Kajari Garut ngiring cumarios ka para korban anu kakeunaan dampak Banjir Bandang supados tetep sumanget utamina kangge murangkalih, Kajari Garut oge ngiring nyiapkeun katuangan di dapur umum oge ngabagikeun katuangan eta. “Kaayaan di lapangan memang ngaprihatinkeun pisan,tapi simkuring ngaraos bingah rehna tiasa ninggal langsung kondisi di lapangan danget ieu,” saur Dr Neva dina waktos kunjunganana di Kampung Munjul, Desa/Kecamatan Sukawening, Salasa 30 November 2021. Disebatkeuna, hasil tinjauan di lapangan, para korban dina danget ieu ngabutuhkeun pisan bahan sembako, anggoan, sareng perlengkapan kangge karulem. Bencana Banjir Bandang anu ujug-ujug neumbrag pamukiman tos ngakibatkeun loba anu kaleungitan harta banda, kaasup kadaharan, pakean, sarta perlengkapan sarena. Penanganan dampak tina bencana alam sapertos kieu saur Dr Neva teu tiasa dilakukeun ku sabagian leutik tapi perlu ayana gawe babarengan jeung sababaraha pihak. Kusabab kitu anjeuna nyuhunkeun sadayana elemen masyarakat atanapi pamarentah supaya babarengan ningalikeun kapadulianana jeung ngabantu ngaringankeun kasulitan nu keur dirandapan ku warga anu jadi korban. Dr. Neva ngadugikeun, pihakna oge bakal komunikasi sareng Bupati oge Forum Komunikasi Pimpinan Daerah (Forkopimda) Garut ngeunaan penanganan warga anu keuna dampak banjir bandang di Sukawening sareng Karangtengah ieu. Teu ngan saukur kitu, naon anu ku anjeuna kauninga di lokasi bencana ieu oge bade saenggalna dilaporkeun ka Kejaksaan Agung.

Leave a Reply

Your email address will not be published.